Basoa zabaldu zen behin mendian eta horrek ikatza ekarri zuen. Natura behatzea gustuko baduzue asko gozatuko duzue Baigura xendarekin. Ardiak eta pottokak ikusiko dituzue eta ezagutuko duzue baita ere kaolin izeneko gaiaren produkzioa. Harri mota bat da portzelana oso fina ematen duena.

Bi eta hiru ordu arteko txangoa da. Bost kilometroko ibilaldia da eta erraza egiteko.

Txangoa Lapurdiko Lekorne herritik abiatzen da. Aisialdi aretotik abiatzen da. Bidea seinaleztatuta dago. Zelai bat zeharkatu ostean bideak ezkerrera egiten du eta aldapan gora egin behar da. Eskailera bat ere badago igoeran laguntzeko. Aterpe bat aurkituko duzue goian eta informazio pankarta bat.

Hurrengo urratsek pagadi eder batera eramango zaituztete. Kolore horiko seinaleek eta informazio pankartek erakusten dute bidea. Bidegurutze batera iritsiko zarete ondoren. Nekatuta bazaudete itzuli beherantz eta bestela jarraitu bidea.

Jarraitzen baduzue tontorrera iritsiko zarete eta informazio pankartek hainbat azalpen eskainiko dizkizuete bertako faunaren inguruan zein kaolin harriaren esplotazioaren inguruan. Harrobia ikusteko aukera ere izango duzue.

Bidean aurrera eginda eta seinaleak jarraituta egurrezko zubitxo bat zeharkatuko duzue eta baita ere etxola bat. Aurrera eginda hasierako puntua itzuliko zarete.


Argazkiak: E=mc2 / pl3298