Iratiko oihanean dago Irabiako urtegia inguratuz doan xenda. Bide ia guztia egingo dugu pago eta izei artean. Ez da luzea eta biribila da, beraz irteera puntura eramango gaitu gure ibilaldiak paisaia desberdinak ikusi ostean.

  • Hasiera: Irabiako urtegiko aparkalekua.
  • Bukaera: Irabiako urtegiko aparkalekua.
  • Luzera: 5,43 kilometro.
  • Iraupena: ordubete inguru.
  • Bidexkaren katalogazioa: herri bidea.
  • Bide mota: hartxintxarra eta lurrezkoa.
  • Forma: biribila.

Iratiko oihana ezagutzeko aukera ederra ematen du xenda honek. Ibilbidea urtegiko aparkalekuan hasiko dugu eta urtegia bera inguratuz doan xenda hartuko dugu lehenengo eta behin. Pagadi batean ikusiko dugu gure burua.

Laster iritsiko gara atseden gune batera. ‘Segundo Paraiso’ esaten diote eta bertatik Mozolotxikira igotzen den xenda hartuko dugu. Soilgune batean urtegirako ikusmen ederra izango dugu. Irati ibaiko urek betetzen dute Irabia urtegia.

Ermuñoa mendi-lepora egingo dugu jarraian. 943 metro ditu eta bertatik emango diogu hasiera pista bateraino eramango gaituen jaitsierari. Pista hori jarraituta iritsiko gara aparkalekura.

Argazkiaren iturria Jorge Lopez.