Estatu mailan egindako ikerketen arabera, Interneteko eduki pornografikoen kontsumoa %60 baino gehiago handitu da pandemiaren urtean; besteak beste, enpresa horiek doan utzi dituztelako sarbideak. Eta pornografia kontsumitzen hasteko batez besteko adina 14 urtekoa da orain.

Zein da horren arazo nagusia? Besteak beste, adingabeen % 40rentzat sexualitateari buruzko informazio-iturri bakarra dela bide hori. Eta asko sare sozialen bidez iristen direla eduki horietara.

Adituen arabera, eduki horiek kalte nabarmenak eragiten dituzte, jokabide bortitzak, errespeturik gabekoak, emakumeak gutxiesten dituztenak eta abar ikasten dituztelako nerabeek.

Esan bezala, pornografia kontsumitzen hasteko batez besteko adina 14 urtekoa da. Hala ere, 10 urte bete aurretik hasten diren kontsumitzaileen %8,7 eta 13 urte bete aurretik hasten direnen % 53,8 detektatu dituzte.

Honekin batera, gizarte berdinzaleago bat lortzeko kalitatezko sexu heziketaren premia nabarmendu dute adituek.