Argia astekariak hiru eredu jaso ditu; Nafarrokoa Mendillorriko institutua, Zarauzko ikastetxe publikoa eta Lapurdiko Larzabal ikastola.
Urteak dira ikastetxe arruntetako ateak ireki zitzaizkiela premia bereziak dituzten haurrei. “Laguntza berezia behar izateko arrazoiak ugariak dira: fisikoak (mugimenduzkoak edo motorikoak, paralisiak, afasiak…), sentsorialak, psikikoak, komunikaziozkoak (entzun eta ikusteko zailtasunak, hizkuntzari loturikoak…), adimenarekin zerikusia dutenak (garapen orokorrean atzerapena, autismoari lotutako nahasteak…), portaera arazoak, edota gizarte eta familia arazoak”, dio Mikel Garciak bere erreportajean.Ikasle horiendako gaur egun dauden baliabideak, finkatzen diren helburuak, lehenesten diren dinamikak… luze eta sakon jorratzen du gaia Garciak Mendillorriko institutuko, Zarauzko ikastetxe publikoko zein Iparraldeko Larzabal ikastolako profesionalekin.
Integraziorako hiru eredu dira, eta sektoreko profesionalen ahotik ematen da ezagutzera gaur egungo egoera. Murrizketak egon direla nabarmentzen dute, baita ere gora egin duela desoreka eta hutsune emozionalekin datozen umeen kopuruak.
Artikulua osorik eta argazkiaren iturria hemen.