Zazpi proiektuak izango dira: Gurasoleku (Ttakun), OZEN (Berbaizu), Ikasle Eusleak (Galtzaundi), Igande arratsaldeak familian (Hogeitalau), Ibilaldi historikoak (Loramendi), Mintzakuadrillak: aisialditik, gazteen ahalduntzera (Topagunea), eta Kameratoia/Biziber (Topagunea)

“Aisialdikoak, kulturgintzakoak, sentsibilizazio alorrekoak…. Azalduko dituzten proiektu guztiak, gainera, beste herrietan egingarriak direla iritzita aukeratu dira”. Proiektuen arduradunek esperientziatik azalduko dituzte egitasmoak, eta proiektuen gakoak ezagutzeko aukera emango dute.

Euskaltzaleen Topaguneak antolatuta egingo dute Proiektu Azoka 2021, apirilaren 24an. Euskara elkarteen egitasmo arrakastatsuekin batera Komunikazio EzBortitza liburuaren aurkezpena egingo dute Txatxilipurdi elkarteko kideek.

Osasun egoera medio, ONLINE izango da saioa, eta izena emateko aukera irekita dago jada hemen.

Proiektuen aurkezpenak 10:00etan, online

Zazpi proiektuen aurkezpenarekin emango zio hasiera Proiektu Azokari. Elkarte bakoitzak hamar bat minutuko tartea izango du egitasmo bakoitzaren nondik norakoak aurkezteko. Azokaren lehen zati honek pare bat orduko iraupena izango du. Hain zuzen ere, 10:00etatik 12:00etara.

Ondotik, ‘Komunikazio EzBortitza’

Proiektuak azaldu ostean, Txatxilipurdi elkarteko kideek hitz egingo dute argitaratu berri duten Komunikazio EzBortitza liburuaren inguruan. “Teknika sinpleetatik askoz harago joz, kalitatezko harremanak lortzea eragozten duten pentsaera, hizkuntza eta epai moralistak eraldatzen ikasteko tresna da liburu hau. Gatazkak errazago konpontzen hasteko; nahi dena exijentziarik gabe eskuratzeko; besteen beharrak entzuteko; harreman pertsonalak eta profesionalak indartzeko, eta norbere ahalmenari ahalik eta etekinik handiena ateratzeko”.

Elkarteetako proiektuak kudeatzeko orduan, eta lan egiteko moduetan lagungarria izan daitekeelakoan aurkeztuko dituzte komunikazio ez bortitzaren gakoak Proiektu Azokan.

Argazkian, Loramendi elkartearen Ibilaldi historikoa Degurixara.