ReplayASAP aplikazioarekin mezua erantzun arte umeek ezingo dute mugikorraren beste edozein aplikazio erabili. Bultzatzaileen esanetan erabilgarria izan daiteke umeekin eta nerabeekin, baina tresna guztiak bezala, erabilera okerrak ere izan ditzake. 

Aplikazioak modu sinplean funtzionatzen du: gurasoak mezu bat bidaltzean, nahiz eta soinua kenduta izan, mezuak zarata konstante bat egingo du umeak botoi bat jo arte. Pantailan bi aukera izango ditu, mezua heldu dela eta ikusi duela gurasoari jakinarazteko aukera eta hiru minutuz atzeratzeko aukera. Bigarren hau aukeratuz gero, ezingo du mugikorra erabili hurrengo hiru minututan eta berriz joko du gurasoari ikusi duela jakinarazi arte.

Kontuz; izan ere erabilera okerrak ere izan ditzake. Gehiegizko babes eta kontrol joerak bultzatu ditzake eta haurrekin eta nerabeekin ez ezik, bikote edo bestelako harremanetara zabal daiteke kontrol grina. Hala ere, mugikorrarekiko dependentzia handia duten eta kasu egiten ez duten nerabeekin erabiltzea gomendatzen dute.

Aplikazioa doan eskuratu daiteke eta doan erabili erabiltzaile bakarrarekin. Erabiltzaile gehiago gehitu nahi izanez gero ordaindu egin beharko litzake.