Guraso izateak berriz ere ikasle ginen garaietara ere eramaten gaitu,  seme alaben bidelagun. Matematika hitza entzutean, askori Puff!! bat irtengo zaigu. Lorena Egidazurekin hitz egin dugu matematikak ukitzeaz.

Zientziaeskola izeneko bloga elikatzeaz gain irakasle eta hezitzaileentzako tailer ezberdinak ematen ditu.

 

Matematika manipulatiboen inguruan Ikastaro eta tailer ezberdinak ematen zabiltza azken urteetan. Esango zeniguke laburrean zer den hori?

 Matematikak ondo barneratzeko edo zenbakiak ikusi ahal izateko, jakintsu guztiak diote hiru pauso egin behar direla

  • Bizipenak dira garunean geratzen direnak eta matematikak bizi behar dira, norberaren gorputzean, ekintza desberdinak eginez, material desberdinak manipulatuz…
  • Bizi izan duten hori berbalizatu behar dute eta horregatik asko galdetu behar zaie.
  • Bizi izan dutena irudikatu behar dute edozein material erabiliz, margoak, plastilina, artilea… eta azkenik errepresentazio hori hizkuntza matematikora pasatu behar da.

Gaur egun, normalean, ikastetxeetan 2 eta 3. pausoak egiten dira baina ez lehena, manipulazioa, horregatik deitzen zaie matematika manipulatiboak.

Guraso askok beldurra diegu  matematikei. Eskolarako  kontuak dira horiek!. Etxean ere jolastu daiteke matematikekin?

 Ziur jada matematikekin jolasean zabiltzatela, kontziente izan gabe. Ez zait urteka umeak sailkatzea gustatzen, ume bakoitza mundu bat delako, baina 2-6 urte bitartekoek aurrerago matematikek eskatzen duten abstrakzioa izatekoa behar dituzten kapazitazio guztiak jolasaren bitartez lortzen dituzte.

  • Posizioaren arteko erlazioa. GEOMETRIARI ateak zabaltzen dizkio
  • Objektuen ezaugarrien arteko erlazioa. LOGIKA MATEMATIKOA lantzen dugu
  • Konta daitezke magnitudeen arteko erlazioa. ZENBAKIKUNTZAREN oinarri da
  • Magnitude jarraituen arteko erlazioa. NEURRIAK ulertzeko era.

Beraz, etxean esaten diozunean, margo gorria ekartzeko LOGIKA MATEMATIKOA lantzen zabiltza, gauza baten posizioa azaltzen dizunean GEOMETRIA lantzen zabiltza, platerean janari gutxi edo asko edo ondokoak baino gehiago galtzen diozunean ZENBAKIKUNTZA lantzen zabiltza eta azkenik itsasoan igeri egiten duzunean eta ura kontatu daitekeen galdetzen diozunean NEURRIAK lantzen zabiltza.

Matematikak ukitzea, jolastea, gozatzea … lortzen al da hori gaurko ikastetxetan?

Orokorrean ezetz esango nuke.

Ikastetxe askotan, liburuetara jotzen dute eta ez dituzte matematikak bizitzen. Hasierako urteetan jarri behar dugu oinarria eta aurrerago DBH n jarriko dira liburuaren aurrean baina lehenago nire ustez ez da gomendagarria.

 

Zure esperientzia eta sortutako materiala zientzieskola blogean  partekatzen duzu. Zergatik eta zertarako sortu zenuen berau?

 Niretzat bloga sortzea erronka pertsonal bat izan zen. Beti esaten didate umeekin egiten dudana nonbait erregistratu beharko nuela, gero ikerketa bat egin ahal izateko baina ez daukat ohiturarik,beraz blogean errazago izango zela pentsatu nuen baina oraindik ez dut lortu egunero idaztea. Aurten koaderno bat erosi dut ea lortzen dudan!!! Proiektu berri baten sartu naiz OXFORD unibertsitateko material manipulatibo bat aztertzera eta eginiko guztia idatzi behar dut . Blogera igotzea nahi dut, dena ez bada zerbait, horrela beste norbaiti lagundu al badio ba primeran.