Txotxongiloei bizia emanez, ikastetxe eta areto ezberdinetan dihardu Rosa Martinezek. Haur eta familiendako txotxongilo ikuskizunak egiten ditu, eta antzerako kultura eskaintzek hausnarketarako bidea zabaltzen dutela dio.

Txotxongilolariari da eta mezua daramaten ikuskizunak eskaintzen gustatzen zaio Martinezi.

Antzerkia, txotxongiloak, musika, ipuinak… uztartzen dituzu.
Bai; azken boladan, gainera, neuk asmatutako ikuskizunak egiten ditut. Egia da taldean egiten dugula lan: musika sortzeko, txotxongiloak margotzeko… nik bakarrik ezingo nuke inoiz aurrera eraman horrelako ikuskizun bat.

Gaur egun zure konpainia propioa duzu.
Halaxe da; bederatzi urte egin nituen Bihar taldearekin. 2000. urtean, neure konpainia propioa sortu nuen. Hamar antzezlan eta hogeita hamar txotxongilo ditut gaur egun.

Mezua duten ikuskizunak egitea gustatzen zaizu.
Didaktikoa izatea baino nahiago dut mezua daramaten ikuskizunak sortu. Balioak lantzen dituztenak, alegia. Emanaldia amaitzen denean, haurrek gurasoei galderak egiten dizkiete, eta hausnarketarako bide izaten dira ikuskizunak. Izan ere, galdera asko sortzen zaizkie. Hori da niri gustatzen zaidana. Adibidez, datorren urtean 20 urte beteko ditudanez, ikuskizun berria prestatzen ari naiz eta bullying-aren gaia prestatzen dihardut buru-belarri. Nire txotxongiloak etxean gaiaz berba egiteko bide direla ere uste dut.

Txotxongilo mostra egiten dira eta parte hartzen duzu.
Oso interesgarriak dira. Tolosan nire lanek harrera polita izan dute, gainera. Ikastaroak ere eman izan ditut. Datorren hilean, Cuencara joango naiz. Topaketa horietan asko ikasten da besteengandik ere. Giro oso polita sortzen da gure artean.

Askotariko teknikak daude txotxongiloari bizia emateko.
Bai, eta teknika bakoitzari esker, txotxongiloari bizia eta mugimendua emateko askotariko aukerak daude.