Rubik kuboa munduko jostailurik ezagunenetakoa bihurtu da azken hamarkadetan. Koloretsua, mekanikoa eta burua astintzeko gaitasuna izanik, haur zein helduen arreta bereganatu du. Hala ere, askok ez dakite jostailu honen jatorria irakaskuntzarekin estuki lotuta dagoela, eta nola Erno Rubik irakasleak jostailu soil batetik abiatuta jostailuen industria irauli zuen.

Rubik kuboa 1974an asmatu zuen Ernő Rubik izeneko arkitekto eta eskultore hungariar batek, Budapesteko Unibertsitate Teknikoan irakasle zela. 1974an, (Hungaria Sobietar Blokeko estatu satelitea zen eta sistema komunistaren barruan zegoen). Bere helburua ez zen hasieran jostailu bat sortzea, baizik eta ikasleei espazioan hiru dimentsiotan objektuak nola mugitzen diren erakustea. Horrela sortu zuen lehen prototipoa, egurrez eta gomaz egina.

Asmakizunari “Bűvös Kocka” (hungarieraz, “Kubo Magikoa”) izena jarri zion eta, pixkanaka, Hungariako dendetan merkaturatzen hasi zen 1977an. Bere konplexutasunak eta erronkak eskaintzeko gaitasunak arreta handia piztu zuten.

Mundu mailako arrakasta

Hasieran Rubikek hungarian komentzializatu zuen eta beste merkatu batzuetara salto egiteko saiakera ezberdinak ere egin zituen. 1980an, Ideal Toy Corporation izeneko enpresa estatubatuarrak nazioartean merkaturatu zuen, izen berriarekin: “Rubik’s Cube”. Hortik aurrera, kuboa mundu mailako fenomenoa bihurtu zen. Urte gutxitan, 100 milioi ale baino gehiago saldu ziren eta 1980ko hamarkadan ikur kultural eta sozial bihurtu zen.

Rubik kuboak jostailuen munduan aurretik nekez ikusia izan zen iraultza ekarri zuen. Ernő Rubik-ek hezkuntzarako sortutako tresna soil batetik abiatuta, Rubik kuboa XX. mendeko jostailurik famatuenetakoa bihurtu da. Ez zuen bakarrik haurren jolasean eragin; pentsatzeko, lehiatzeko eta sortzeko modu berriak ekarri zituen. Gaur egun ere, Rubik kuboa berrasmatzen jarraitzen da eta bere eragina oraindik nabaria da jostailuen eta hezkuntzaren esparruetan ere. Denok ikusi ditugu lehiaketak, esku bakarrarekin edo hankekin ere segundu gitxitan kuboa osatzen duten pertsonak. jostailu bat baino gehiago.