Emaitza txukuna da eta elikagai aldetik errezeta osasuntsua.
Proposamen freskoa eta dibertigarria egiten dizuegu. Oinarrian arrautza egosia eta atuna erabiliko ditugu sagutxoak egiteko.
Arrautzak erditik zabaldu eta gorringoa atunarekin eta maionesarekin nahastuko dugu. Arrautza erdiak nahasketarekin bete eta buruz behera ipiniko ditugu.
Gero, sagutxo itxura emango diogu. Begiak, belarriak eta buztana egin behar ditugu. Irudimen apur batekin eta etxean daukagun edozein osagairekin egin daiteke. Begiak egiteko, esaterako, espezie bat erabil dezakegu: iltzea, adibidez. Belarriak errefauarekin —rabanoa— egin daiteke, eta isatsa perrexil adartxoekin.