Diziplina positiboan oinarritzen den heziketa du oinarri Alvaro Bilbao neuropsikologoak eta bere sare sozialetan zabaldu du hurrengo informazioa: seme-alabari egin duen zerbait zuzentzen diogunean, gurasook kontuan hartu beharreko hainbat puntu zehaztu ditu.

  • Zure semea edo alaba zoragarria da. Normala da ondo egiten ez dakien gauzak egotea, saiatu zuzentzen, bere balioak zalantzan ez jartzen.
  • Ez aurpegiratu gauzak. Zuzentzeak ez du esan nahi zerbait aurpegiratu behar diozunik. Ikaskuntza-lana da, zure seme-alabak hobeto egiten ikas dezan lortzea.
  • Ez hitz egin haurraz, haren trebetasunez baizik. “Gordina edo brutoa zara” esaten badiogu, lotsarazteaz gain, portaera horretan sartuko duzu. Aldiz, esaten badiogu, “Oso gogor bota duzu”, hurrengoan indar gutxiagoz botatzeko aukera irekitzen diozu.
  • Muga bat jartzen dugunean, zergatia azaldu behar zaio. Informazio guztia izan dezan eta azkarrago ikasteko modu bat ere bada. “Ez ukitu” esatea eta “Ez ukitu hori, erori egin daiteke eta aitari asko gustatzen zaio” esatea, ez da gauza bera.
  • Haserre bagaude, haurrak ez dio jaramonik egingo esaten diogunari, izutuegi egongo baita esaten dioguna ulertzeko. Gogoratu garrasi egin gabe irmotasuna erakuts daitekeela.
  • Baliteke zure seme-alabak lehenengoari kasurik ez egitea. Horregatik, hasieratik argi izan behar duzu zuzentzeak behin eta berriro errepikatzea eskatzen duela. Ez galdu pazientzia!