Arrasateko Udala, Arrasate Herri Eskola, Arizmendi Ikastola, Txatxilipurdi, Leintz Eskola Kirola eta San Juan de Dios Ospitalearen ekimenez, EKKO (Eskola Komunitatea Kirola Osasuna) programa martxan jarri dute ikasturte honetan ere. Arrasateko aurrenerabeengan gizarte trebetasunak sendotzeko helburua du programak, eta LH 5. eta 6. mailako ikasleak parte hartzen ari dira bertan.

EKKO Programak gurasoen inplikazioa ere eskatzen duenez, gai horiek lantzeko, familientzako saioa antolatu dute. Saio horretan, gurasoek seme-alabekin –LH 5. edo 6. mailakoak– batera parte hartuko dute, eta elkarrekin egingo dituzten zenbait dinamikaren bitartez, autoestimua eta komunikazioa
landuko dituzte.

Saioan parte hartzeko aukeran dauden egunak, orduak eta hizkuntzak honakoak dira:

  • Azaroak 24, astelehena: Euskaraz, 18:00etatik 19:30era (zaintza zerbitzua aukeran).
  • Azaroak 25, asteartea: Euskaraz, 17:30etik 19:00etara.
  • Azaroak 26, asteazkena: Euskaraz, 18:00etatik 19:30era. Gaztelaniaz, 18:00etatik 19:30era (Arabiarrera itzultzailea izango du).
  • Azaroak 27, osteguna: Gaztelaniaz, 18:00etatik 19:30era (zaintza zerbitzua aukeran).

Saio guztiak gaztetxokoan izango dira. Azaroaren 19ra arte eman daiteke izena hemen klikatuz edo telefonoz, 933 25 20 00 BAZera deituta.