Sharenting, gurasoen artean gero eta zabalduago dagoen praktika zalantzagarria

Sharenting delakoa gurasoen artean gero eta ohikoagoa den praktika da, eta sare sozialetan euren seme-alabei buruzko argazkiak, bideoak edo beste edozein informazio mota argitaratzean datza. 

Ingelesetik dator sharenting terminoa. Bi aditz elkartzetik dator, hain zuzen ere: to share –partekatzea– eta parenting –hazkuntza–. Fenomeno horretan gurasoek beren seme-alaben edukiak –argazkiak, bideoak– argitaratzen dituzte sare sozialetan, segurtasun eta pribatutasun gutxirekin.

Lehen ekografiak, lehen urratsak, urtebetetze jaiak, oporrak, lehen hortzen erorketa, eskola jaialdiak, etab. Haur baten bizitzako edozein gertakari edo datu garrantzitsu Interneten partekatu dezakete guraso batzuek.

Baina gehiegizko esposizio horrek, gehienetan haurraren baimen espliziturik gabe gertatzen denak, hainbat arrisku ekar ditzake, hala nola ziberjazarpena, grooming-a, nortasunaren ordezkapena, datuen lapurreta edo Internetekin lotutako beste delitu batzuk.

Estatistiken arabera, sei hilabete betetzean, haurtxoen % 81ek dagoeneko badu presentzia Interneten, eta bere bizitzako lehen bost urteetan 1.000 argazki egongo dira sarean.  Gainera, bi urtetik beherako haurren % 5ek gurasoek sortutako profil bat du sare sozialetan, eta kopuru hori handitu egiten da adina gora joan ahala.

Kanpaina sare sozialetan, lurraldebuseko pantailetan eta abarretan garatuko da, eta helburu izango du haurrek beren irudirako duten eskubideari eta gainesposizio digitalak ekar ditzakeen arriskuei buruzko hausnarketa eta kontzientzia piztea.  Maximalismoetan sartu gabe, ulertzea praktika hori ez dela kaltegabea eta kontuz ibili beharra dagoela.

Sentsibilizazio kanpaina, Gipuzkoan

UNICEFekin elkarlanean gurasoak sentsibilizatzea helburu duen kanpaina abiarazi du Gipuzkoako Gazteria Departamentuak. Gurasoek ulertu behar dute sharenting praktika ez da kaltegabea eta kontuz ibili beharra dago.

Han eta hemen kanpainako mezuak eta irudiak ikustearekin batera gurasoei bideratutako dekalogo bat ere prestatu dute kanpainako bultzatzaileek. Bertan, edukien pribatutasun-maila, bat-bateko mezularitzari buruzko gomendioak, eta alertak aktibatzeko aukerak dira hizpide.

Argibide osagarriak hemen.