Sobron Araba eta Burgos artean dago, Araba hego-mendebaldean. Ebroren ur-bilduak sortzen du urtegia, Sobron herrian. Era guztietako ur-kirolak egin daitezke. Bainurako leku egokia da eta horretarako prestatuta dago, batez ere, Burgos aldetik. Abentura parkea, mahaiak, aparkalekua eta harrera-gunea badaude.

Sobronen historiaren zati ezinbestekoa da ura batetik, Ebro ibaiaren ertzean dagoelako eta, bestetik, sekulako ospea izan zuelako XIX. mendean hasi eta XX. mendearen erdira arte bertan egon zen ur minero-medizinalak zituen bainuetxeak.

Sobronek ez du ahaztu urarekin lotutako bere iragana, eta Uraren Museoa dute gaur egun. Museoa jende guztiarentzat da, oro har, eta familia eta haurrentzat bereziki; gune interaktiboa da, eta teknologiak eta simulazioek erraz ikasteko eta aldi berean dibertitzeko aukera ematen dute.

Espejoko putzu naturalak

Urtegitik ez oso urritu dago Espejo herria bainurako putzu naturalekin. Udan bisitariz betetzen da, baina leku egokia izan daiteke egun pasa egiteko. Bainatzeko guneaz gain, mahaiak, barbakoak eta haurrentzako jolasak daude. Bestalde, ibaian zehar piraguismoa praktikatzeko hainbat tarte espezifiko daude.

Argazkiak: Araba Turismo.