Arrasaten, Udaleko Euskara Sailak eta Txatxilipurdi elkarteak Freskura egitasmoa  antolatu dute aurten ere, helburua euskarazko irakurgai eta jolasak  aisialdi guneetan eskura jartzea da, kasu honetan igerilekuan.

Mahai jolas eta aldizkari ezberdinak maileguan eskaintzeaz gain, aurtengoan Arrasateko Bibliotekarekin elkarlanean bertako irakurgai ezberdinak ere eskainiko dituzte. Bibliotekako proposamen hautariko batean jarriko dugu fokua gaurkoan.

Komikiak aukera polita izan daitezke udako irakurketa moduan, baita txikienentzat ere. Bibliotekak Freskurarako proposatutako komikietako bat  Superpatata!  da,  Haurrentzako komikietan “bestsellerra”.

Ez da gizaki bat. Ez da animalia bat. Tuberkulu bat da. Super Patata da!
Super-heroi txiki honen istorioa, gaizkile gaizto batek, tximista batekin SuperMax harroputzari eraso eta patata bihurtzen duenean hasten da.

Lehen atalean, hasierako harridura gainditu eta gero , begetal bihurtuta egonik ere, bere trebetasunak erabiliko ditu gaizkiaren aurka borrokatzeko. Superpatataren abenturak hasiko dira.  Lehen liburu hau da Freskurako lehen astean eskaini dena baina Superpatataren abenturek jarraituko dute eta beste 8 liburu ere argitaratuta daudenez  abenturak jarraituko du.


Bere bigarren atalean, gure heroiak bere maskoten bilduma sartu nahi duen estralurtar apetatsu batetik babestu beharko du. Hirugarren atalean iraganerako bidaia harrigarria egingo du, patata bihur ez dadin, laugarrenean Malicia gaiztoari  aurre egin beharko dio, zeinak plan arriskutsu bat prestatu baitu Super Patataz mendekatzeko. Ohiko super heroien gidoiak patata itxurako super heroi batentzat

Artur Laperla bartzelonarra da  Mamut zigiluak argitaratutako serie hau marraztu eta idatzi duena. Marrazki sinpleekin, kolore distiratsuekin eta orrialdeko gehienez lau bineta sartuaz,  dibertsioa eta ekintza ziurtatuta daude 6 urtetik gorako haurrentzat.