Azaroaren amaieratik urtarrilaren 7a arte irekita egon dira Trukegune Sareko objektuen trukaketa librerako guneak. Kutxa Ekoguneak bultzatu eta Gipuzkoako 10 udalerritako udalekin batera antolatutako ekimena izan da.

Kutxa Ekogunekoaz gain Andoain, Beasain, Errenteria, Legazpi, Oiartzun, Oñati, Ordizia, Tolosa, Villabona eta Zumaiako herrietan egon dira kokatuta.

Donostian, Kutxa Ekoguneko haur parkean dagoen Trukegunea.

Antolatzaileek egindako balorazio konpartitua izan da ekimena oso positibotzat jotzean, herritarrei eredu jasangarri baterantz pauso bat emateko bidea zuzeneko tresna erabilgarria izan delakoan. Udal bakoitzeko esperientzia ezberdina izanik orokorrean herri guztietan errepikatu da herritarren interesa, trukean hasi diren familiak ugariak izanik eta truke esperientzia arrakastatsuak gauzatuz. Espazio ireki eta libreak direnez gauzatu diren trukeen kopuru bat ematea ezinezkoa da, baina milaka objeturi bizi berri bat eman zaie, familia ugarik bigarren eskuko objetuen trukean lehen esperientziak biziz eta naturari baliabide guzti horiek aurreztuz.

Egindako balorazioaren emaitza azpimarragarrienetako bat espazioarekiko izandako errespetua izan da, objetuak kalitate egokiarekin ekarri eta inzidentzia kaleko espazio publikoetan jarritako espazioek izan dute arrakasta handiena, eta ez da inongo kalterik izan, proiektuak zuen kezketako bati positiboki erantzunez. Kutxa Ekogunearen eta parte hartu duten udalen izenean zorionak eta eskerrik asko hau posible egin duzuen elkarteei (Gurutze Gorria, Domingo Agirre eta Zumaiako Errefusiatuen harrera taldea Zumaia eta Euskal Herriko eskubide sozialen Karta) eta parte hartu duzuen familiei.

Proiektuaren jarraipena

Trukegune batzuk geratzeko etorri dira eta besteak berriz datorren urtea izango dira bueltan. 2020ean zehar ekimena beste garai batean aktibatzeaz gain izandako arrakasta eta herritarrek izan duten inplikazioa dela eta udalak erabaki ezberdinak hartzen ari dira. 

Tolosa eta Zumaian Trukegunea urte guztian aktibo mantenduko da. Oiartzun eta Andoaingo kasuetan herriko Garbiguneko gunean zerbitzua irekia mantentzen da. Ordizian Trukegunearen epea luzatzea erabaki da. Beasain, Errenteria eta Kutxa Ekogunean hurrengo batean izango dugu berriz ere bueltan.

Gainera datorren urteetarako Gipuzkoako udal gehiago ekimenera batzera ere animatuko dira.