Sortzaileen esanetan, haurrak pentsamendu konputazionalaren logikara eta informatikaren hizkuntzara hurbiltzeko telesaila da ETB3k astelehenean estreinatu zuena.

Ada astronautak ordenagailurako programak idazten ditu eta bere lagun robotekin batera (Helia, Roby, Eva eta Tor), orbita estazioa Txac Planetara gidatuko du; planeta ezezaguna esploratzea eta ikertzea izango da espedizioaren helburua. Adak kontrol panelean eragiketak egiten igaroko ditu egunak, eta Roby izeneko robot ikasle txikia Tor eta Eva robot nagusiek jartzen dizkioten zereginak egiten arituko da. Horrez gain, Ada Lurreko lagun koderrekin egongo da harremanetan, eta mundu teknologiko-zientifikoari buruzko albisteak kontatuko dizkie, Helia ordenagailu nagusiaren laguntzaz.

Euskadiko Teknologia Elektronikoen eta Informazioaren Industrien Elkarteak, Azaroa Filmsek eta Digitomicak, EITBrekin elkarlanean, landu dute telesaila. Lehenenengo denboraldian bozpasei minutuko 30 kapitulu emango dituzte ETB3n, eta ondoren, edukiak 3 Klubeko euskarri digitalean egongo dira ikusgai.

Etiketak: