Bideak paisaia ikusgarriak zeharkatzen ditu, eta amaiera aldera, zilarrezko faroaren ondotik ere igarotzen da.image-1

Donostiako Gros auzoan, Sagues inguruko gasolindegiaren ondoan du abiapuntua itsasertzeko bideak. Zemoriya kaleko eskaileretan gora, De Arbola pasealekuraino igo behar da, eta hortik aurrera, seinaleek eta marka zuri-gorriek gidatuko dute bisitaria Pasaiaraino.

Ibilbidean zehar, bada iturri bat, baita hamaiketakoa egiteko mahaiak ere. Gehienez hiru orduko ibilaldia da, eta hasiera da zatirik gogorrena, behin altuera batera igota, zeharka egiten baita gainontzekoa.

Bideak paisaia ikusgarriak zeharkatzen ditu, eta amaiera aldera, zilarrezko faroaren ondotik ere igarotzen da. Bertatik, Pasaiara jaisten da, Albaola itsas kultur faktoriara, eta pasealekuan aurrera eginda, badiaren bestaldera pasatzeko itsasontziaren geltokia dago. Donostiara itzulera autobusean egin daiteke.