Gipuzkoako kostaldeko txoko eder baterako gomendioa dakarkigu gaurkoan. Pasai San Juanen dago Kalaburtza. Bainu-leku polita da, baina oinez edo bizikletaz iritsi behar da bertaraino. Hainbat aukera daude.

Aukera bat da Pasai San Pedrora heldu, beste aldera gurutzatzeko txalupa edo motora hartu eta behin San Juanen Bonanza ibilbidean aurrera egitea. Ibilbide erraza da, oinezkoendako bidea da eta amaieran helduko gara Kalaburtzara. Tartean Pasaiako badia ikusteko aukera izango dugu eta zorte apur batekin portuan sartzen edo irteten den itsasontzi handi bat maniobra egiten ikusteko parada izan dezakegu. Portuko itsasontzien laguntzarekin sartu eta ateratzen dira tamaina handiko itsasontziak. Ikustekoa da!

Kalaburtzara iritsi aurretik Pasai San Juango puntan dagoen Alabortza kantinara helduko gara. Jatekoa eta edatekoa ematen dute leku pribilegiatuan dagoen ostalaritza zerbitzu horretan. Komuna eta iturria ere badaude bertan.

Kalabortza apur bat aurrerago dagoen hondartza da. Hondartza baino gehiago kala bat da, baina egokitutako dago eskailerekin, dutxarekin eta eserlekuekin.

Bertaraino iristeko beste bi aukera gutxienez badaude. Bata zuzenean San Juanetik abiatuta –txaluparik erabili gabe–. Bada baita ere Jaizkibelgo itsas-labarretik heltzen denik. Ibilbide zoragarria da, baina exijentzia maila apur bat handiagokoa.

Gozatu!