Orain dela 30 urte hasi ziren hainbat udal biblioteka bi gida argitaratzen: Neguko gida; eta Biblioporrak izenekoa, udan. Argitalpen berrien artean aukeraketa eginda, profil askotariko erabiltzaileentzako gomendioak eskaintzea da helburua.

Aretxabaletako biblioteka arduratu da gidari forma ematen aurten, baina bidelagun izan ditu Antzuolako, Aramaioko, Arrasateko, Bergarako, Eskoriatzako, Oñatiko eta Legazpiko udal liburutegiak.

Bi euskarritan

Arrasateko Helena Azkarragaurizar artistak egindako diseinuarekin sormen-lanen zerrenda aurkeztu dute. Haurrentzako eta gazteentzako eskaintza adinka banatuta gomendatu dituzte; eta helduentzako, berriz, hamasei liburu, hiru disko eta zazpi filma gomendatu dituzte.

Bi formatutan dago gida eskuragai: paperean eta digitalean. Gida paper formatuan biblioteketan eskura daiteke paper formatuan, eta udal biblioteken webguneetan dago formatu digitalean.