Udalekuak 2025 kanpainak 4.112 plaza eskainiko ditu. Arabako, Bizkaiko eta Gipuzkoako Aldundiek elkarlanean antolatzen dituzten udalekuetarako dira eta 7-13 urte bitarteko umeentzako dira. Txanda guztiak 7 egunekoak dira eta uztailaren 1etik 29ra eskainiko dira, biak barne. Gehienez ere hiru partaideko taldeak aurkeztu ahalko dira.

Izen-ematea zabalik

Izena emateko epea zabalik dago. Arabako, Bizkaiko eta Gipuzkoako foru aldundien webguneetan egin daiteke.

Adi; izan ere, Foru Aldundi bakoitzak bere datak jarri ditu: martxoaren 19tik 28ra, Araban; martxoaren 18tik 27ra, Bizkaian, eta martxoaren 18tik 28ra Gipuzkoan. Onuradunak zozketa bidez aukeratuko dira: apirilaren 3an, Gipuzkoan; apirilaren 15ean, Araban eta apirilaren 29an, Bizkaian.

Aurtengorako ezarritako kuota orokorra 142 eurokoa da –hobariak kontuan hartu gabe–.