Udan bero handiagoa egiten du, eta ohikoena da umeek denbora gehiago ematea kanpoan.
Jarduera fisikoa ere handiagoa da. Umeen hidratazio maila gertutik zaindu behar dela gogorarazten dute adituek. “Bizitzako lehen urtean, umeek, egunean bataz beste 0,6 litro ur edatea komeni da, zortzi urtera arte 1,8 litro, eta bederatzi urtetik gora 2,5 litro”, diote.
Ura behin eta berriro eskaintzeko gomendatzen dute adituek, baita ere umeek —batez ere txikiek— edaten duten ur kopurua zaintzea. “Ez itxaron egarriak egon arte. Egarria bera deshidratazio sintoma da”. Edari mota ezberdinekin jokatzea ere gomendatzen dute —ura, zukuak, irabiatuak…— umeek errazago edango dutelakoan. Frutak eta barazkiak ere hidratazioan oso lagungarriak direla adierazten dute.
Arreta berezia eskatzen dute haur txikien kasuan. “Ezin dute ezinegona hitzez adierazi. Gogo falta, makalaldia, sumingarritasuna, malko gutxi… sumatzen badira hartu neurriak lehenbailehen. Haur txikiendako egokiena itzaletan egotea da, eta aireztatutako kokapen batean”.
Azala eta begiak zaindu
Garrantzitsua da eguzki izpiengandik ere babestea: larru azalerako krema egokiak, txapelak, eguzkitako betaurrekoak… neurri guztiak izango dira ongi etorriak. Gogoratu bero-kolpeek eragin handiagoa dutela haurrengan helduengan baino.
Albistearen iturria hemen.