Begien terapia landu daiteke: ikusmen abilezia indartuz gero irakurmenean hobekuntza nabarmenak lortzen dira.
Sarritan, gaztetxoek egoki garatzen dute ahozko hizkuntza, baina, hala ere, ikasteko edo irakurtzeko arazoak izaten dituzte. Kasu askotan, arazo horien atzean ikusmen arazo bat egoten da.
Durangoko Landako optikan izan dira Anboto aldizkarian. Begien terapia landuz arazo horiek gainditu daitezkeela azaldu dute Lourdes Arrizabalaga optometristak. “Ikasketak ikusmenarekin oso lotuta daude. Ikasten duenaren %75etik 5%90era ikusmenaren bitartez heltzen zaio umeari”, azaldu du Arrizabalagak.
Ikusmen binokularra edukitzea, enfokatzeko gai izatea, begien mugimenduak zehatzak izatea eta ikusmenaren pertzepzioa edukitzea ezaugarri garrantzitsuak dira ikasketetan zailtasunik ez izateko. Eskola-porrotaren inguruko datuek ez dute zalantzarako tarterik uzten: aztertutako lau kasutatik hirutan eskola-porrota ikusmenaren inguruko arazoen ondorio da.
Seinaleak
Lehen Hezkuntzako bigarren mailan, umeak irakurtzen ikasten hasten direnean agertzen dira lehenengo seinaleak. Umea liburura gehiegi hurbiltzen bada, irakurtzerakoan edo idazterakoan burua gehiegi okertzen badu, begi bat tapatu edo okertzen badu hurbileko lanetan, lauso edo bikoitz ikusten badu, edo irakurtzen duena ez badu ulertzen, gurasoek ahalik eta arinen jo beharko lukete terapia bisual bidezko tratamendu batera.
Albistearen iturria: Anboto
Argazkiaren iturria hemen.