Eskola kiroleko hainbat haurren gurasoen jarrera ikusita, neurriak hartu dituzte kirol elkarteek.

Captura de pantalla 2014-12-22 a las 11.52.40

Asko dira seme-alabei partiduetara, lehiaketetara, entrenamenduetara laguntzen dieten gurasoak. Batzuek harmailetan eseri eta ikuskizunaz gozatzen dute, baina badira euren onetik aterata ibiltzen direnak ere. Leonen, besteak beste, guraso batek entrenatzaile lanetan zebilen 16 urteko gazte bati jo egin zion.

El Pais egunkariko Patricia Ramirez kazetariak bi multzotan sailkatu ditu kirol jardueretan parte hartzen duten gurasoak. Horrela, batetik, rol “positiboa” dutenak egongo lirateke,  haurrak lagundu, animatu eta kirol elkarteetan parte hartuz ekarpena egiten dutenak. Bestetik, ordea, badira emaitza onegiak eskatuz presioa sorrarazten duten gurasoak, entrenatzaileak balira bezala elkartearen erabakiak zalantzan jartzen dituztenak, baita irainetara jotzen dutenak ere.

Azken horiek, Ramirezen esanetan, haurrek “gozatzeari utzi” eta “kirola bertan behera utz dezaten”.

Guraso, eta ez entrenatzaile
Jazotako gertakarien harira, eta egoerak hobera egin dezan, hainbat kirol elkartek eta eskola kiroleko arduradunek gurasoei zuzendutako aholkuak banatu dituzte. Hona horietako batzuk:
1) Gogoratu kirola egitearen arrazoia. Helburua ez da irabaztea. Haurrek gustatzen zaielako egiten dute, baita osasuntsu egoteko eta sozializatzeko ere.
2) Ez behartu haurra gehiago entrenatzera, itxaropen faltsuen aitzakian. Saiatzen bada, nahi duen tokira iritsiko dela esanez, adibidez, frustrazioak sor litezke. (Motibazioa alde batera utzi gabe)
3) Presio gehiegirik ez egin eta ez agindurik eman; horren ordez, laguntzen saiatu.
4) Kirol taldeko partaideei zein aurkariei errespetua izan eta emozioak kontrolatu, besteak beste, animatzerakoan.
Gogorarazi dute, baita ere, gurasoek “eredu” izan behar dutela, eta eskola kiroleko orduetan bada ere, guraso izaten jarraitzen dutela, ez entrenatzaile.

Albistearen eta irudiaren iturria hemen.