Uribarri Ganboako urtegia Arabako lurralde historikoan dago, Arratzu-Ubarrundian.

Gasteiz eta Bilbo inguruak urez hornitzen ditu eta aisialdirako gune garrantzitsua da; arabarrek oso gogoko dute uda garaian bertara joatea.

Hala, bi hondartza eder topatuko ditugu han: Landa eta Garaio. Toki apartak dira biak, bainua hartzeko eta naturaz gozatzeko aproposak.

Landako hondartzan da honakoan proposatzera gatozena. Instalazio eta zerbitzu asko ditu: mahaiak, parrilak, haurrentzako jolastokiak, komunak, dutxak. Leku ederra da famili giroan edota lagun artean egun pasa joateko. Uda sasoian sorosle zerbitzua dago eta gurpildun-aulkientzako gaituta dago espazioa.

Kirola gustuko dutenek ibilaldiak egin ahal izango dituzte urtegiaren inguruan, bai oinez bai bizikletaz. Uribarri Ganboako urtegian, gainera, zenbait ur-kirol (arrauna, piraguismoa, windsurf…) egiteko aukera dago; izan ere, bi klub nautiko eta ontziak uzteko tokia daude.