Abenduaren 2an onartu zuen Gobernu Kontseiluak Guraso Bakarreko Familiei buruzko Dekretu berria. Dekretuak guraso bakarreko familiak ziurtagiri digital berri baten bidez egiaztatzea aurautzen du, eta EAEko guraso bakarreko 21.000 familiak urtarrilaren 1etik aurrera eskatu ahalko dute. Behin ziurtagiria lortuta, sal, erakunde edo entitate bakoitzak ezariko ditu familia bakoitza lor ditzakeen onurak.

Dekretu berriarekin, %30 handiagoa izango da kontziliaziorako laguntza guraso bakarreko familientzat. Bestetik, familia ugariekin parekatuko zaizkie haurrei laguntzen dagokienez –hilean 200euro; 100 euro gehiago, zazpi urte bete arte–.

“Gaur familia-aniztasunaren aitortzan beste urrats bat eman dugu: familia guztiei begiratzen diegu, komunitatea egiterako orduan guzti-guztiek garrantzia dutelako. Bakarrik egon den familia batetik laguntzen duen Euskadira igaro gara. Elkar babesten duen komunitate inklusibo baten alde egiten dugu, non familia bakoitzak amankomuneko proiektuari ekarpena egiten dion”, nabarmendu du Nerea Malgosa Ongizate, Gazteria eta Erronka Demografikoaren sailburuak.

EAEn, Guraso bakarreko familien %80a emakumeek osatzen dute, eta, familia hauek, zailtasun handiagoak dituzte bizitza pertsonala, familia eta lana uztartzeko.