Adingabeek WhatsApp erabiltzea ez dago arriskuetatik salbuetsita, baina neurri egokiekin esperientzia seguruagoa eta kontrolatuagoa berma daiteke. Gurasoek eta tutoreek berebiziko garrantzia dute mugak ezartzean, konektatuta egoteak dakartzan arriskuei buruz heztean eta aplikazioaren erabilera aktiboki gainbegiratzean.

WhatsApp munduan gehien erabiltzen den mezu aplikazioetako bat da. MLBNk 2023an emandako datuen arabera, Internet gutxienez astean behin erabiltzen duten espainiarren % 93,2k erabiltzen du aplikazio hori.

2024ko apiriletik, WhatsApp erabiltzeko gutxieneko adina 16 urtetik 13ra jaitsi zen Europan. Aplikazioa erabiltzen duten pertsonen kopurua handia denez, (adingabe asko barne), funtsezkoa da gurasoek eta hezitzaileek komunikaziorako tresna hori erabiltzean haur eta nerabeak babesteko moduari buruzko informazioa izatea.

Adingabeek WhatsApp erabiltzearekin lotutako arriskuak

1. Eduki desegokien eraginpean jartzea: 2023an eta 2024an, asko izan dira eduki sexuala eta bortitza duten adingabeen Whatsapp talde masiboen albisteak.

2. Ziberjazarpena: WhatsApp bullying-a egiteko gune bat izan daiteke, eta, bertan, kideek edo ezezagunek adingabeak jazartzen dituzte. Azken txostenen arabera, WhatsApp ( % 66,9), Instagram ( % 53,1) eta TikTok ( % 48,6) dira adingabeei ziberbullyinga gehien egiten zaien 3 plataformak.

3. Identitatea ordeztea: profil faltsuek adingabeak engaina ditzakete informazio pertsonala lortzeko.

4. Mendekotasun digitala: Aplikazioaren gehiegizko erabilerak mendekotasuna sor dezake eta haren ongizate emozionalari eragin. Espainiako bigarren hezkuntzan drogen erabilerari buruzko azken inkestak (ESTUDES) jasotzen duenez, mugikorren mendekotasunak gora egin du nerabeen artean, % 16tik % 27ra hamarkada batean baino gutxiagoan.

5. Pribatutasuna galtzea: Adingabeek informazio sentikorra parteka dezakete ondorioak ulertu gabe. Extremadurako dozenaka adingabek 2023an salatu zuten WhatsApp eta Telegram taldeen bidez adimen artifizialak sortutako bere biluzi faltsuen argazkiak zabaldu zituztela.

Pantallas amigas webgunetik ekarritako testua.