Zineuskadiren Zinema Euskaraz programaren baitan Yuku eta Himalaiako lorea estreinatuko da, gaur, Euskal Herriko zinema-aretoetan. Ekimen horren baitan, aurten, estreinatuko den aurreneko filma da.

Munduko mendi garaienen tontorretan bizi da egunki-argi garbienaz elikatzen den landarea da Himalaiako lorea. Yuku sagutxoak familia atzean utzi eta betiereko argia duen lore horren bila abiatuko da bere amonari eskaintzeko, hura laster eramango baitu sator itsuak Lurraren sakonera.

Baina lorea aurkitzeko, Yukuk oztopoz betetako bidea gainditu beharko du: gaztelu azpiko estolda-arratoien eremu beldurgarria zeharkatu beharko du, bere anker eta gosetien belardia, denak galtzen diren baso sorgindua, eta batez ere… Otsoak zaintzen duen Ikararen Zubia! Bidaian zehar, ordea, bere musika eta kantuei esker, Yukuk lagun asko egingo ditu. Eurak dira bizitzaren abenturan arrakasta izateko euskarririk onena.

Arnaud Demuynck eta Rémi Durin dira pelikularen zuzendariak eta familientzako pelikula honek 62 minututan kontatzen du istorioa. Hauxe duzu trailerra! Ez galdu!