Jostailuez eta hauen  azal koloreaz  hausnartu zuen Itsaso Pagoagak Jostailuetan ere ozen, #blacklivesmatter! kolaborazioan. Bertan irakurri ahal izan genituen 2016an Espainian egindako ikerketa baten emaitzak.

AIJU erakundeak (Instituto Tecnológico Especializado en Producto Infantil y Ocio) honako emaitzak kaleratu zituen: Espainian bizi ziren familien %75aren iritziz jostailuek ez zuten jendartearen aniztasun kulturala islatzen. Familien %88ak uste zuen, “gutxi edo oso gutxi” zirela haur arrazializatuek beraien burua identifikatuta sentitzeko moduko jostailuak. Eta datuak orain bost urtekoak izanik ere , lehenengo begiratuan behintzat, badirudi egoera ez dela larregi aldatu.

Ubuntuland proiektua, azal kolorea ezberdinak margotzeko arkatzak sortzeko egindako ekimenaren berri ere izan genuen kolaborazioan bertan.

Gaurkoan Eñaut Aiartzaguenaren kartel bat ekarri nahi izan dugu Guraso.eus era. Eñautek, Zornotzan Mikel Berrojalbizekin batera lanean aritu den  denboran, haurrek egindako galdera ohikoenak erantzuteko sortu ditu kartel hauek!  Guk Azalaren kolorearen galderan jarri nahi izan dugu fokua. Honetarako Eñautekin hitz egin dugu.