Euskal gazteen 5etik 1ek osasun mentaleko asaldura bat du diagnostikatua, eta antsiolitikoen kontsumoa 6 aldiz biderkatu da gazteen artean. Zer gertatzen ari da? 4 gazteren testigantzak eta hamar adituren iritziak bildu ditu Elhuyarrek “Zurrunbiloak” egitasmoan.

Denek bat egiten dute: gazteengan pertsonalizatzen da, baina sustrai soziala duen krisi bat da.

Euskal gazteen 5etik 1ek osasun mentaleko asaldura bat du diagnostikatua. Antsiolitikoen kontsumoa 6 aldiz handitu da azken urteotan, eta bereziki deigarria da zer adinekin preskribatzen zaizkien antsiolitikoak neskatoei: 11-12 urte eskasekin. Zer ari da gertatzen?

Gizarte moduan interpelatzen gaituen gaia da, zalantzarik gabe. Egungo gazteen osasun mentalarekin zer gertatzen ari den ezagutzeko asmoz, Zurrunbiloa proiektua sortu du Elhuyarrek. Gazteei arretaz entzun, gizartearen begirada horra bideratu eta gazteen osasun mentala eraldatzeko bideak irekitzea da asmoa.