Eusko Jaurlaritzako Enplegu eta Gizarte Politiketako Sailak 2010a geroztik “116 111 ZEUK ESAN” haur eta nerabeei zuzendutako telefonoa dauka martxan. Zerbitzua doakoa da eta guztiz anonimoa. Halaber, profesional adituz osatutako talde batek erantzuten die haurren eta nerabeen kontsultei (psikologoak eta gizarte-hezitzaileak). 

ZeukEsan-ek haurren kezka edo intereseko gaiei buruzko orientazioa, aholkularitza edo informazioa eman, eta kontsultak ebazteko dagokion zerbitzura bideratzen dituzte. Hau da; nerabeak norbaitekin hitz egitea nahi badu, dabilzkion gaiei buruz orientazioa edo aholkua behar badu edo eta norbait beste norbaitez abusatzen ari dela ikusten badu (jazarpena, indarkeria edo bestelako erasoak), ZeukEsan-en telefonora deitu eta berehalako laguntza jasoko du. Era berean, helduek (gurasoek, irakasleek…) ere erabil dezakete zerbitzu hau, beren inguruan haur edo neraberen bat babesik gabe dagoela jakin edo sumatzen dutenean.

Telefonoaz gain, ZeukEsan-en web-orrialdea dago eskura, eta blogak, gizarte-sareak, bideo kanala eta kontsulta-postontzi anonimoa ditu.

Azken uztail honetan argitaratutako datuen arabera, telefonoak 444 kontsulta izan ditu 2019ko lehen sei hilabeteetan. 959 argitalpen ere izan dira, zerbitzuaren sare sozialen eta blogen bidez. 2018an, 979 kontsulta jaso zituen zerbitzuak. 

Informazio gehiago: https://www.euskadi.eus/web01-a1zeukes/eu/