20 podkastera iritsi gara. Guraso.eus egitasmoan egindako elkarrizketak hirunaka batu eta podkast formatuan jartzen ditugu eskuragarri eta entzungarri gune eta plataforma ezberdinetan. Baleafunk plataforman igotzen ditugu, Funkwhale komunitateak bultzatutako proiektua da, eta musika eta audioa sare deszentralizatu eta ireki batean entzuteko eta partekatzeko aukera ematen du.

Gertutasunagatik eta modu naturalean halaxe bizi dugulako Txapa Irrati librean ere argitaratzen dugu podkasta. Irrati libreen balioekin bat egin eta beharrezko ikusten baititugu.

Arrosa irrati sarean ere entzungai duzue podkasta, bai eta Euskal Herriko irrati ezberdinek ere beraien uhinetan zabaltzeko eskuragarri ere.

20. ale honetan hiru elkarrizketa lotu ditugu Pelax eta Telmo Trenorren musikarekin. Leire Elizegik Bizipoza elkartearen berri eman digu, Amaia Agirianok eskuartean duen egitasmo berri bat aurkeztu digu eta Nahia Alkortak (ez) amatasunak ikuspegi feministatik jardunaldien kronika egin digu.

Bizipoza: zaintza ekosistema berri bat eraikitzeko
Amaia Agiriano: Munduko herriak munduko haurrek marraztuta
Nahia Alkorta: Amatasunak hautatua, desiratua eta gozatua izan behar du edo ez da izango