Amaia Agiriano guraso.eus egitasmoko kolaboratzailea da aspalditik. Adimen Gaitasun Handiko Haurren gaia ezagutu dugu berarekin eta bidea egin dugu azken urteetan. Artikulu asko eta interesgarriak irakurri ditugu eta askotan hitz egindugu Amaiarekin haiek oinarri moduan hartuta.

 Amaia Agiriano gurasotasunetik iritsi zen Adimen Gaitasun Handien gaira eta bertatik egin du ibilbidea azken urteetan. 2021ean Handitzen, psikologia eta hezkuntzari eskainitako txokoa sortu zuen, guraso, irakasle eta adimen gaitasun handiko haur eta gaztetxoei zuzendua.

Gaurkoan baina beste alor bat dela eta egin diogu elkarrizketa. Amaia Arkitektoa ere bada eta  bazuen ideia bat betidanik buruan bueltaka. Nola ikusten dute haurrek beraien herria? Nola irudikatzen dute hau marrazkietan? Munduko herri ezberdinetako haurren marrazkiak batuko bagenitu, zer ikusiko genuke?

Buruan bueltaka zuen ideia, lurreratzea erabaki du orain eta martxan jarri da, kontaktu eta  kontaktuen kontaktuei egitasmoa aurkeztu eta materiala biltzen dabil. Guk berarekin hitz egin dugu proiektua ezagutzeko.

Informazio gehiago hemen.