Guraso.eus egitasmoan idatzizko artikuluak dira oinarria; albisteak, kolaborazioak, gomendioak…  Dena den, betidanik saiatu izan gara bestelako eduki formatuak ere eskaintzen. Kolaboratzaileei egindako elkarrizketak igotzen  aspaldi hasi ginen, podcastak zer ziren oraindik inork ez zekienean.  Posible izan dugunean bideoak ere eskaini ditugu.  Azken urteetan, izanari izena ere gehitu diogu eta podcastak (guretzat podkastak), sortu ditugu. Gurasotasuna eta hezkuntzari lotutako gaiak lantzen ditugu, (nola ez!) elkarrizketak erabiliz honetarako.

 2024. Urtean ere elkarrizketa eta podkastekin jarraitzeko asmoa dugu. Ea baliagarri zaizuen! Gaurkoan 31. Podkasta argitaratu dugu, Amaia Arroyo Sagasta, Nora Salbotx Alegria eta Nahia Alkorta Elezgarari egindako elkarrizketan batu ditugu.