Bidegorri bilakatu dute Elorrion trenbide zaharraren ibilbidea. 1975ean irten zen Elorrioko geltokitik azken trena eta ordutik ahaztuta egon da bide hori. Orain, trenbidearen naturbide bilakatu dute. Egoki eta erabilgarri dago gerturatzen diren guztien gozamenerako.

Elorrioko Udalaren eskumenekoa den bide zatia bidegorri bilakatu dute eta tunela argiztatu dute.  Hala ere, gaur egun, trenbideko zati osoa dago erabilgarri eta hiru zoru mota ditu: bidegorria, asfaltoa eta pista.

Zailtasuna maila errazeko ibilbidea da eta 120 metroko tunela du, esan moduan argiztatuta. Elorriotik Apatamonasteriorainoko ibilbidea lau kilometrokoa da. Elorriotik Arrazolako bide berdearen hasierarainoko distantzia, berriz, 4,1 kilometrokoa da eta Arrazolako bidea gehitzen badiogu 9,1 kilometrokoa.

Adi; izan ere, Arrazolako bide berdean bizikletak debekatuta daude.

Informazioa eta argazkiak: anboto.org

Argibide gehiago hemen.