Ibilbideak atariko lagunek gogoeta interesgarria egin dute gaur oraindik ere zigortzeko ditugun zenbait joeraren inguruan.

Imagen 3

Mugimendua  —edo mugimendu eza— zigortzeko tresna direla irakurri dugu Ibilbideak atarian.

UNESCOk argitaratu berri duen heziketa fisikorako gida-n mugimenduaren garrantzia agerikoa da.

Jolastokirik gabe gelditzea, jolastokiari hainbat itzuli egitea, txangorik gabe gelditzea… zigorrak izan dira orain gutxira arte. “Umeak punpa lasterrean ulertzen zuena zera zen, mugitzea = zigorra. Era ederra jarduera fisikoa sustatzeko”, azaltzen du Mikel izeneko blogariak Ibilbideak atariko sarreran. “Pozgarria da ikustea ikasle garaian pairatu genituen ohitura txar batzuk orain erabat bazterturik gelditu direla. Baina zoritxarrez, denak ez. Geldirik egotearena edo patiorik gabe gelditzearena zigortzeko tresnak badira oraindik”.

Ez zaigu burutik pasatzen ume bat bazkaririk gabe uztea, edo bazkari bikoitza egitera. Zergatik? Ulertzen dugulako elikadura oso garrantzitsua dela. Mikelen esanetan berdin jokatu beharko genuke jarduera fisikoarekin. “Sedentarismoa gure gizartearen arazo handienetariko bat da, eta umeak garenean hartzen ditugun ohiturekin harreman zuzena du. Mugimendua maitatzen ikasi behar dute gure umeek, eta horretarako mugimendua edo mugimendu eza, inolaz ere ezin dugu erabili zigortzeko tresna bezala”.

Artikuluaren eta argazkiaren iturria hemen.