Euskadiko orkestra sinfonikoak familiei zuzendutako kontzertuak eskainiko ditu aurten ere

Eskola-haurrentzako kontzertuak, ‘Musika Familian’ jarduerak, adimen ezintasuna dutenendako saioak… Euskadiko orkestra sinfonikoak 10.000 lagunengana heltzeko helburua du otsailetik ekainera bitartean.

Hezkuntza alorrean musika sinfonikoarekiko irizpidea bultzatzea, eta familiartean gozatzeko ekoizpen propioak eskaintzea dute helburu beste urte batez.

‘Musika familian’ zikloa

Alor honetan bi ekoizpen aurkeztuko ditu orkestrak, aurten.

. Galdutako musikaren bila (0-5 urte bitarteko umeentzako). Otsailaren 15ean, Gasteizko Principal antzokian, 17:00etan eta 18:30ean. Sarrera 6 euro. Eta otsailaren 21ean, Donostiako orkestraren egoitzan, 11:00etan eta 12:30ean. Sarera 4 euro.

. Suzko txoria (6 urtetik gora). Maiatzaren 23an, Donostiako Kursaalen, 10:30ean. Sarrera 3-7 euro. Eta maiatzaren 29an, Gasteizko Principal antzokian, 18:00etan. Sarrera 6 euro. Kontzertuaren aurretik sentsibilizazio tailerra egingo dute haurrekin.

Adimen ezintasuna dutenendako saioa

Maiatzaren 28rako iragarri dute kontzertua, Miramongo egoitzan. Lau tailer berezi ere egingo dituzte Bilbon eta Donostian. Helburua, musika sinfonikoaren entzute aktiboa askotariko publikoen beharretara egokitzeko bide berriak zabaltzea da.

Eskola kontzertuak

Kontzertu sorta berezia da honakoa, orkestrak seigarren urtez antolatzen duena. Hiru ekoizpen aurkeztuko dituzte aurten: Galdutako musikaren bila (Haur Hezkuntza), Suzko txoria (Lehen Hezkuntza) eta Stravinsky ezagutzen (Bigarren Hezkuntza). Interesatutako ikastetxeek orkestarekin jarri behar dute harremanetan.

Kontzertuak martxan dira, eta otsailean eta maiatzean egingo dituzte, Miramongo egoitzan.

Informazio gehiago eta argazkiaren iturria hemen.