Hitzen ahairea izeneko kantagintzari buruzko ikastaroak eskaintzen dituzte Gotzon Barandiaranek eta Rafa Ruedak. Ikastetxeetan hasi ziren orain dela sei urte. Gaur egun, ikastetxeez gainera, beste arlo eta toki askotatik deitzen dituzten.

Hitzak eta kantuak tartekatuta

“Ez dugu ezer probatuko, baizik eta urteetan bildu dugun materiala partekatu egiten dugu”, dio Gotzon Barandiaranek, eta zera gaineratu du: “Kantatzen eta aztertzen ditugunak, idazle eta musikari bati daude beti lotuta. Hori baino gehiago eta zabalagoa da euskal kantagintza, lehenagotik ere badatorrena, eta gaur egun ere badaude euren kantuak egiten eta kantatzen dituzten taldeak eta musikariak, baina gu hor ez gara sartzen. Guk egiten duguna da, nolabait, Euskal Herriaren historia gainbegiratu kantuetan oinarrituta; hortaz, kantua aurkeztu egiten dugu, idazlearen zertzelada batzuk azalduta eta hitzen esanahiari begiratuta, eta, ondoren, Rafak zuzeneko bertsioak egiten ditu. Parte hartzaileei kopiak banatzen dizkiegu eta, normalean, gehienek kantuan egiten dute. Iruzkinak eta eztabaidak sortzen dira kanta bakoitzaren bueltan”.

Bergarako Jardun elkarteak egitekoa duen ikastaroa dela-eta elkarrizketa egin diote Arrasate Irratian Gotzon Barandiarani. Hemen entzungai.