Juan Carlos Melero: “Garrantzitsua da nerabeei kondoia nola erabiltzen den erakustea, baina sexu harremanak baimenduak izan behar direla aldarrikatzea askoz gehiago”

Juan Carlos Melero psikologoa eta Nerabeak, afektuak eta sexualitatea tailerraren gidaria da. EDEX gobernuz kanpoko erakundean egiten du lan eta gaur, abenduak 13, tailerra emango du Bilbon.

– Zer da “Nerabeak, afektuak eta sexualitatea” tailerra? 

Nerabeen hezkuntza afektibo-sexualaren inguruko lan proposamen bat da, EDEXek antolatutakoa. Modu boluntario edo profesionalki nerabeekin lan egiten duten pertsona guztientzat zuzendutakoa.

Tailerrak, Eusko Jaurlaritzako Gaztaro Zuzendaritzaren laguntza duenak, 5 orduko iraupena dauka. Denbora guzti honetan, eduki teorikoaz gain, beharrekoak diren gizarte gaitasunen inguruan lan egin dugu, afektibitate eta sexualitatearen mundua ahalik eta plazer handienarekin gauzatu dadin, arazoak ekidituz. Enpatia, asertibitatea, emozioen kudeaketa eta pentsamolde kritikoa lantzen ditugu beste hainbat gaien artean.

Tailerra deitzen diogu eta ez ikastaroa, izan ere ez dugu erakutsi nahi, baizik eta gidariak izan taldeak esperientziak, itxaropenak, helburuak… partekatu ditzan. Modu honetan, erabilgarria izan daitekeen jakintza praktiko bat sortu nahi dugu.

– Gai tabua da gaur egun? Gehiago hitz egin beharko genuke gaiaren inguruan?

Nire ustez sexualitatea eta afektuen aniztasuna tabua izaten jarraitzen du. Egia da aurreko belaunaldiekin alderatuz asko aurreratu dela, baina oraindik hezkuntza alorrean gutxi lantzen den gaia da. Gainera, sarritan arriskuak bakarrik aipatzen dira; haurdunaldiak, sexu bidezko gaixotasunen transmisioa… Baina ez da plazerra aipatzen. Modu honetan, nerabeek esperientzia on bat izan daitekeenaren gaizki bideratutako bisio bat garatu dezakete.

Gai hau normalizatu beharko genuke, lotsa eta beldurra alde batera utziz. Batzutan entzuten da gaiaren inguruan hitz egiteak goiztiartasuna sustatu dezakeela. Nire ustez alderantziz da; gaia ekiditzeak bizitza afektibo-sexuala esperientzia etsigarria bihur dezake.

– Garrantzitsua da gaiaren inguruan heztea modu honetako tailerretan? Zergaitik?

Bai, garrantzitsua da. Alde batetik gaia bera lantzea ezinbestekoa delako, eta bestetik, gaira urreratzeko modu ezberdina eratzea interesgarria delako. Garrantzitsua da neska zein mutilak kondoia nola erabiltzen den jakitea, baina askoz ere garrantzitsuagoa da inork ez pentsatzea besteari sexu harremanak izatera behartu diezaiokela. Azken esparru hau asko lantzen dugu gure tailerrean.

– Noiz izango dira zuen hurrengo tailerrak eta non? Beste proposamen gehiago dituzue eskuartean?

Gaur, abenduak 13 izango da aurtengo azken tailerra. Baina hurrengo urterako ere gogotsu lanean gabiltza tailerrak prestatzen.

Aniztasuna eta berdintasuna lantzea dugu helburu nagusi eta horretarako “Proposamen sextimentala berreskuratu dezagun” tailerrean ere lanean gabiltza. Proposamen honen inguruko informazio gehiago http://www.retomemos.com/ webgunean eskuratu dezakezue.