Pasa den astean Itzalekin jolasteko gonbita luzatu genizuen, sinpletasunarekin gozatzea, esperimentatzea… Oso gutxirekin izaki ezberdinak sor ditzakegu, gure eskuak animalia bilakatu eta mugimendua eman.

Gaurkoan itzalak eta sentimenduak nahastera gonbidatu nahi zaituztegu.

Klariona erabiliz aurpegi ezberdinak marraztu ditugu lurrean. Aurpegi hauei haurrek izendatutako emozioak marraztu dizkiegu. Pozik, triste, haserre, harrituta, beldurtuta…

Ondoren gure gorputzen itzalari emozioak jarri dizkiegu. Nola dago zure itzala?

Jolas sinplea da, edozein lekutan egin dezakeguna. Hori bai, eguzkia beharrezko izango dugu gure itzalari emozioren bat emateko.