Naturara gerturatzeko eta naturako elementuekin jolasteko eskulanak maite ditugu txoko honetan. Gaurkoan landaketak egiteko paretako landare-ontzi bertikala nola egin eurkeztuko dizuegu, honetarako birziklatutako materiala erabili dugu , botila hutsak.

Materiala

  • Botila hutsak
  • Soka
  • Lurra eta haziak
  • Guraizeak
  • Errotulagailua

Nola egin dugun

  • Botila hutsak lortu, guk taberna batean eskatu ditugu. Ur botila erabiliak, esne botilak … edozeinek balio dezake.
  • Botilen gainaldean lurra sartzeko zuloa marraztu eta botila moztu.
  • Soka pasatzeko zuloak egin eta soka pasatu. Guk hiru botila lotu ditugu. Botila bakoitzaren azpian korapiloak egin ditugu sokan finkatzeko.
  • Botilak lurrez bete ditugu eta haziak erein.
  • Aukeratu pareta eta lotu ondo soka. Guk haltz haziak sartu ditugu, ea hazten ikusten ditugun.