Physicaly Active Learning irakaskuntza metodologiaren inguruko prestakuntza jardunaldia maiatzaren 13an izango da, Gasteizen. 

Gizarte aktiboa sortzeko umeekin egindako lana oinarria da eta, era berean, arloen arteko elkar-lana ere behar-beharrezkoa. Ekimen honen bidez Jaurlaritzako Osasun, Hezkuntza eta Kultura sailek bat egin dute, irekitako bide berriaren lehenbiziko urratsak egiten. Deporte para la educación y la salud erakundeak eta Presentación de María ikastetxea ere bidelagun izan dituzte antolaketan.

#MugituEtaIkasi jardunaldiaren kartela

Jardunaldi honetan, testuingurua (eskola aktiboak) azaldu ondoren, erakustaldi praktikoa eskainiko da matematika eta ingelesa modu aktiboan irakatsiz.

Horretarako, Erresuma Batuko Tagtiv8 egitasmoko Bryn Llevellyn aditua bertan egongo da, bere eskarmentu eta ezagutza eskoletako irakasleei eskaintzeko.

Antolatzaileek azaldu dute eskoletan lan egiten ez dutenentzat ere, Mugiment sustatzaileak ere gonbidatuak daudela jardunaldi honetara, jarduera fisikoaren sustapeneko hausnarketa orokorrerako ere erabilgarria izango baita. “Izen emate prozeduran eskainitako datu guztiak behar-beharrezkoak dira; eskola batean lanean ez bazaudete, zerrendetan eskainitako aukeren artean hautatu lehenbizikoa”, diote antolakuntzatik.

Informazio gehiago:

Non eta noiz

Gasteizko Presentación de María Ikastetxean, maiatzaren 13an.

Nola iritsi oinez (14’) eta bizikletaz (5’) autobus geltokitik.

Nori zuzenduta

  • Ingelesa, matematika eta gorputz hezkuntza, lehen (bereziki, baina bigarren hezkuntzakoek ere ezagutza erabilgarria lortu dezakete) hezkuntzako irakasleak.
  • Ikastetxeetako zuzendariak.
  • Mugiment egitasmoko sustatzaileak.

Hizkuntzak

Euskara eta ingelesa.

Jardunaldien egitaraua eta edukia

9:30 Aretoan

  • Ongi etorria. 5’
  • Eskola Aktiboak sortzeko aukerak. Mikel Bringas. Jaurlaritzaren kirol kudeatzailea-Mugiment. 15’
  • Eskola aitorpenak. Rafa González de Txabarri Deporte para la educación y la salud. 10’.
  • Physically Active Learning bideoa: 12’

10:30    Kiroldegian

  • Ingelesa eta matematika ikasteko adibideak: Bryn Llewellyn Tagtiv8 90’

12:15    Aretoan

  • Solasaldia Bryn Llewellyn-ekin Tagtiv8

13:00 Agurra.

Izen ematea

  • Doakoa.
  • Gehieneko toki kopurua bete arte.
  • Berritzegune nagusiaren esteka honetan klik eginez.