Azken aste hauetan bizitzak aldatu zaizkigu, itxialdiko egunetan online baliabideak deskubritzen gabiltza etengabe. Behin baino gehiagotan gomendatu dugu era.eus Nafarroako toki-entitateetako 28 euskara zerbitzuek sortutako webgunea. Bertan baliabide sorta polita aurkitu dazakezue.

Gaurkoan gain era itxialdi garai egiteko sortu diren aukera ezberdinak batu dituzte.

Azken asteotan hainbat errutina errotik aldatu zaizkigu eta, besteak beste, kultur ekitaldiak bertan behera geratu edo atzeratzen ari dira, ezin eskolara edo parkeetara jolastera joan… Honek ondorio argi bat du: seme-alabek etxean izan behar dute. Baina egon? Ez dute zertan egonean egon.

Esan daiteke norberaren egunerokoak askatasunean galdu duena intentsitatean irabazi duela. Hau da, jada ez ditugu asteak edo hilabeteak zenbatzen, egunaren orduak baizik. Horren jakitun, eta ezarritako mugei probetxu atera nahian, hemen dituzue bi proposamen:

Aurrena, era.eus-en kultur ekitaldien agendari funtzio berri bat eman diogu: egunero etxean erabiltzeko kultur proposamena eginen dugu, astero zazpi egun. Bideo-ipuin bat, musika, jolasak, filmak… Hemen lehen asteko bilduma, egunez egun.

Gainera hainbat ekimen sortu dira interneten, apuntatu honakoak zure egunerokoan:

:

HitzorduakProposamenaBestelakoak
Egunero 8:00ak alderaera.eus-en egunero etxean erabiltzeko kultur proposamena, astero zazpi egun.Bideo-ipuin bat, musika, jolasak, filmak… Hemen lehen asteko bilduma
Egunero 9:30ean eta 10:00etanHamaika Telebistak bi telesaio berri aurkeztu ditu: egunero 9:30ean Pandoraren Kutxa Pantxikarekin eta 10:00etan Miru sorginarekin Kiliklon saioaPandoraren Kutxan dantzak, akrobaziak, antzerki… emanaldiak izanen ditugu, Kiliklon saioan eskulanak, abestiak, asmakizunak…
Egunero 10:10 alderaEtxean goxo egoteko “Etxeko ipuhinak” tartea zabaldu du Euskalerria Irratiak, 10:10 aldera. Hemen irrati hau zuzenean entzuteko lotura eta hemen ipuinen bildumaAurreneko ipuinak: Jon Barbarinen “Azazkalo” ipuina , Usoa Wyssenbachen “Daniela Pirata”, Izaskun Mujikaren “Txorien koloreak”, …
Egunero 10:00etan eta 18:00etan Berria TB edo Berria Aretoa mota guztietako sortzaileen plaza izango da, egunero bi hitzordu eskainiz: 10:00etan eta 18:00etan Lehen saioetan zuzeneko kontzertuak, esketxak, “Mari Errauskin” ipuina, bertsoak, erakusketa birtuala, Dorleta Kortazarren bi ipuin, Txikiren umorezko bakarrizketa…
Egunero 16:00etan Ipuinak, marrazketa eta natura batu nahi? Iñaki Sanz-Azkue biologoak eta Eñaut Aiartzaguena egunero, 16:00etan ipuinaren ataltxo eta marrazki bana argitaratuko dituzte
AsterokoakProposamenaBestelakoak
Egunero Aspaldiko arantzatxoa kendu eta dantzan ikasi? Dantzan.eus-en nork bere etxean dantzan egitea proposatzen digute: Eutsi dantzan eta bideoekin dantzan ikasi Orain arte fandangoa, 100 alargunen dantza,  zortzikoa, arin-arina, Jondane Johaneren branlea, hanketako ariketak, zazpi-jauziak…
Ia egunero Aiaraldea.eus-en #EtxeanGoxo atala sortu dute, eta bideoen bitartez Korokorikoren mandala kooperatiboa, disko-txantxa, esku-jolasak, ipuinak… eskaintzen ari dira. Orain arteko bideoak, adibidez, Arraroa ipuina, Huntzaren Buruz behera eta Txakur bat erosi dut diskotxantxak, Musu pa musu pot esku-jolasa, Mandala kooperatiboa…
Ia egunero Proposamenez beterik dator Kirikiño taldea ere, txotxongiloak egiteko ideiak, errezetak, ereiteko ideiak, askotariko esku-lanak… Orain artekoak, adibidez, maskarak eta arrautz kutxak berrerabiltzeko tailerrak, ogia, pizza, arroz pastela, magdalenak egiteko errezetak, denetariko esku-lanak eta bestelako proposamenak ere.
Egunero Zeure eskualdean ETB3 ikus badezakezu, hemen duzu eguneko programazioa. Edo, eskulanak egin bitartean hari musikala behar duzu? Hemen EiTBren euskal kanten irrati digitala entzungai eta bere programazioa.
AstearteroKirola nahiago? Asteartero “Etxean Goxo” zunba saioa Begoña del Cerrorekin Aiaraldea.eus-en
Asteko programazioaGorputz Hezkuntza site-a sortu dute, bertan izanen duzu etxera egokitutako aste osoko kirol programazioa eta gomendioak eskuragarri.
EguneroZientziarekin jolastu eta esperimentuak egin nahi? Elhuyarrek #NikEtxeanEsperimentuak egutegia sortu du egunak arintzeko, eta, bide batez, zientziaren inguruko kontzeptuak modu dibertigarrian familiartean ikasteko. Beraz, egunero esperimentu bat proposatzen digu.