Eskoletan gutxieneko jarduera fisikoa arautzeko neurriak AEBtan
Mendebaldeko Virginian izan dute neurria eztabaidagai neska-mutikoek loditasun arazoak dituztelako.
Virginia mendebaldeko senatuak lege proposamen bat izan du mahai gainean eskola-umeek jarduera fisikoari egunero 30 minutu eskaintzeko. Jarduera fisiko “moderatuaz” mintzo ziren agintariak: ibili, soka saltoan egin, futbolean jokatu, eskailerak lehenetsi, patioan denbora gehiago eman…
Mendebaldeko Virginian neska-mutikoen loditasun tasa kezka iturri bihurtu da. 2013. urtean 198,1 milioi dolarreko kostua eragin zuela kalkulatzen dute.
Kostu ekonomikoez gaindi ikasleen lan erritmoa txikitu egin dela uste dute adituek, eta kontzentrazio arazoak dituztela jarduera fisiko gutxi egiten dutelako.
Gaiak eztabaida piztu du Virginia Mendebaldean. Zenbait adituk uste dute jarduera fisikoa derrigortzea ez dela egokia. Beste batzuk, aldiz, uste dute jarduera fisikoa bultzatzeaz gain sentsibilizazio lan handia egin behar dela elikaduraren inguruan. Ikasle guztiei gosari osasuntsuak eskaintzea da beste proposamenetako bat.