Oraingo honetan bi osagai bakarrik dituen postre goxo baten proposamena da: txokolatea eta garbantzu pote bateko salda erabili. Mousseak ez dauka garbantzu zaporerik. Zerorrek egin, eta probatu!!

Osagaiak pertsona batentzako

  • Garbantzu pote handi bateko salda (garbantzu barik)
  • 80 gramo txokolate beltza (%82 kakaoa duena). 8-10 ontza.
  • Gura izanez gero, laranja azala, koko birrindua, kanela, bainila… erabili daiteke.

Urratsak

Txokolatea Maria bainuan urtu.

Txokolate urtzen den bitartean, garbantzuen likidoa ontzi batera bota, eta irabiagailuarekin elur-puntuan ipini.

Txokolate urtua eta elur-puntuan dagoen salda ondo nahastu.

Ontzi batera bota (tamainaren arabera, bitan ere bota daiteke).

Hozkailuan sartu, eta utzi lau bat orduz.

Hozkailutik atera, eta gozatu!