Astiberri argitaletxe bilbotarrak haurrentzako euskarazko komiki berri bat argitaratu du. Claude eta Morino Madarikazioa serie bateko lehen liburukia da, eta 7 urtetik gorako haurrentzat da.

Hori bakarrik ez, haurrentzako Txikiberri izeneko komiki-lerro berri bat zabaldu dute. Beraz, badirudi komikiaren esparruan haurrentzako euskarazko eskaintza indartuko dutela.

Liburua jatorriz Frantzian kaleratu zuen EDL argitaletxeak. Egilea Adrien Albert ilustratzailea da.

Claudek eta Morinok elkar errespetatzen eta elkarri laguntzen ikasiko dute, halabeharra adiskidetasun ederra bilakatuz. Pertsonaiei umorea eta samurtasuna darie. 2020ko Bernard Versele saria jaso zuen 7 urtetik aurrerako haurrentzako liburu onenaren atalean.