Sasoiko frutarekin eta urarekin zuku, sorbete, izotz-edari eta izozki goxo-goxoak egin daitezke.

Bikainak dira egarria asetzeko eta onuragarriak oso hidratatzeko. Gainera, etxean produktu naturalekin egingo ditugu, eta elikadura aldetik orekatuak izango dira. Limonada tradizionala egin dezakegu edo edari sofistikatuago bat prestatu. Ez dago sekreturik; fruta eta ura nahastu behar ditugu. Gakoa, proportzioan dago.

Zukua

Limoi-edariz beteriko pitxarra gainean mendafin hostoak dituela… ba al dago udarako freskagarri egokiagorik? Erraz prestatzen da, gainera. Oinarrian ura eta limoia daude, nork bere gustuko neurrian ipinita. Saihestu azukre kopuru handiak gehitzea. Osasungarriagoa da, eta freskagarriagoa.

Beste edozein frutarekin egin dezakegu edaria. Esaterako, apioa eta pepinoarekin, azenarioa eta laranjarekin, jengibrearekin…

Sorbetea, edari solidoa

Prestatzeak lan apur bat gehiago suposatzen du, baina oinarrian fruta eta ura dira baita ere. Aukeratutako fruta zuritu behar da, eta mamia txikitu pure moduko bat lortu arte. Ura gehituko diogu ondoren. Beste edukiontzi batean ura egosiko dugu azukre apur batekin almibar bat lortu arte. Nahastu guztia eta sartu izozkailuan. Ezinbestekoa da 30 bat minutu oro nahasketa irabiatzea sorbetea izotz bloke uniforme bat ez bihurtzeko. Sorbeteak ez du gantzik eta azukrea neurtzen badugu kaloria gutxi.

Haurrentzako zein nagusiendako sorbetea hidratazio eta fruta kontsumorako formula oso eraginkorra da.

Sorbete ezagunena limoizkoa da, baina egin daiteke baita ere pinaburuarekin, sandiarekin, kiwiarekin, marrubiekin edo mandarinekin. Ausartagoak bazarete egin saiakera oliba beltzekin, tomatearekin, mamiarekin, koko esnearekin edo te berdearekin.

Izotz-edaria

Pauso bat harago dago izotz-edaria. Kasu honetan guztiz izozten dugu fruta eta ur nahasketa. Bloke izoztua eskuartean dugunean puska txikitan birrintzen dugu. Irabiagailuarekin amaitu dezakegu lana. Neurtu noiz zerbitzatu behar duzun, luzaro itxaronez gero gehiegi urtuko da. Kasu honetan ere ez gehitu azukre kantitate handirik, frutak berak duena nahikoa izaten da askotan.

Limoiarekin egin dezakegu izotz-edaria, baina baita ere tomatearekin, tearekin, kafearekin, turroiarekin…

Izozkiak

Ez ditugu ahaztu behar etxean egindako izozkiak edo poloak; denentzako erakargarria eta merkea. Merkatuan badaude molde ezberdinak, baina egin daitezke ere plastikozko poltsa luzeak beteta. Egosi ura eta azukrea eta gehitu frutaren mamiari. Izozkiari makiltxoa gehitu nahi izanez gero izozkailuan sartu eta lau orduren buruan egin.

Artikuluaren iturria hemen.

Argazkiaren iturria hemen.