“Fibrosi kistikoa jaioberriaren orpoaren proban detektatzen da, eta haurtzaroko biriketako gaixotasun kroniko ohikoenetako bat da, nahiz eta oraindik gutxi ezagutzen den”. Armando Bastida pediatria erizainaren hitzak dira. “Pentsa daiteke adineko pertsonen gaixotasuna dela edo 40 – 50 urtetik gora dutenei detektatzen zaiela, baina ez. Gaixotasun honek mukositate eta izerdi ekoizpenari eragiten dio. Gure gorputzak behar du ekoizpen hori egoki egitea birikek eta beste organo batzuk jariakin horiek behar dituztelako ondo funtzionatzeko”.

Fibrosi kistikoa duten haurrek ohi baino mukositate lodiagoak sortzen dituzte, eta horrek metaketak eragiten ditu biriketan eta hesteetan. Epe luzera kalteak eragiten ditu: arnasteko zailtasunak, desnutrizioa, transpiratzean gatz gehiegi galtzea, arritmiak…

“Gaixotasun honen inguruan gero eta gehiago ari gara ikasten, eta sendabiderik ez badago ere, ikerketak aurrera doaz gaixotasuna dutenen bizi-kalitate hobea izan dezan”, dio Bastidak.

Fibrosi kistikoaren inguruan gehiago jakin nahi izanez gero hemen lotura bat (gazteleraz).

Argazkia: Hessam Nabavi.