Gaurko honetan mendiko makilen balio nabarmendu nahi dugu. Makila bat izan daiteke zaldi,  lagun, arma edo haurrak asmatzen  duena. Gaurkoan, makila aproposa batu eta  egurrezko ezpata egitea proposatu nahi dizuegu. Basora joan eta naturaz gozatzeko aitzakia polita beste behin ere. Beti bezala labana erabiltzeko orduan laguntza beharko dute txikienek.

Materiala

Makila handi bat (60 cm ingurukoa)

Makila txiki bat (15 cm ingurukoa)

soka

Pausoak

  1. Mendira, basora edo parkera joan. Batu lurreko makilak. Aukera asko izango ditugu eta ideia mordoa seguru.
  2. Gaurko eskulanerako  60 cm ko bat eta 15 cm dituen beste bat beharko ditugu.
  3. Ezpata egiteko makila bat nahikoa da! guk baina pixka bat landu dugu geurea, heldulekua zehaztu eta makila bi aldetatik zuritu dugu (helduak), punta leun xamar uzten saiatu gara.
  4. Heldulekua egiteko 15 cm ko makila bitan zatitu dugu erditik. Makilatxoaren  zati bana ezpataren heldulekua nabarmentzeko lekuan jarri dugu.
  5. Bi makilak sokarekin lotu ditugu bi lagunen artean
  6. Ezpataren heldulekuan izena jarri eta koloreztatu egin dugu etxean.

Argazkitan: Haitz Juaristi