Entzungai da Txunpa Txun! kantua. Potx eta Lotx pailazoen bideoklip berria da, eta Euskadi Gazteako Dida saioan aurkeztu dute gaur. Gogoz eta mimoz egindako bideoklipa dela azaldu dute. Letra Txinparta bertso eskolako Urko Arregirena da, eta musika Josu Zubiarena. Regetoiaren inguruko parodia bat dela azaldu dute pailazo oñatiarrek.

“Mila-mila esker kamera aurrean eta kamera atzean bideoklipean parte hartu duzuen guztioi! Plazera izan da, beste behin ere, zuekin lanean aritzea! Zortedunak gara horrelako talde batekin lan egiteagatik!”, azaldu dute pailazoek.